Landsliðsmaðurinn Kári Árnason lék allan tímann í vörn Genclerbirligi þegar liðið vann 1:0 útsigur gegn Altay í tyrknesku B-deildinni í knattspyrnu í dag.
Þetta var fjórði deildarleikur Kára með liðinu en með sigrinum náði Genclerbirligi fimm stiga forskoti á toppi deildarinnar.
Kári skrifaði í sumar undir eins árs samning við félagið sem féll úr efstu deildinni á síðustu leiktíð. Hann hefur verið atvinnumaður frá því 2004 og hefur á þeim tíma leikið með Djurgården, AGF, Esbjerg, Plymouth, Aberdeen, Rotherham, Malmö og Omonia.
Kári var í dag valinn í landsliðshópinn sem mætir Frökkum í vináttuleik og Svisslendingum í Þjóðadeild UEFA.