Sara Björk Evrópumeistari í annað sinn
Setja bókamerki
Lyon varð í kvöld Evrópumeistari kvenna í fótbolta með 3:1-sigri á Barcelona í úrslitum Meistaradeildar Evrópu á Allianz-vellinum, heimavelli Juventus í Tórínó.
Barcelona var ríkjandi meistari og sigurstranglegra liðið fyrir leikinn í kvöld en Amadine Henry skoraði fyrsta mark leiksins fyrir Lyon strax á 6. mínútu.
Norska markadrottningin Ada Hegerberg bætti við öðru marki fyrir Lyon á 23. mínútu og tíu mínútum síðar skoraði bandaríska landsliðskonan Catarina Macario þriðja mark Lyon.
Alexia Putellas minnkaði muninn fyrir Barcelona á 41. mínútu en nær komust Spánarmeistararnir ekki og Lyon fagnaði sigri.
Sara Björk Gunnarsdóttir, sem vann keppnina með Lyon fyrir tveimur árum, var allan tímann á varamannabekk liðsins en hún hefur lítið fengið að spreyta sig síðan hún sneri aftur eftir að hafa átt sitt fyrsta barn í nóvember á síðasta ári.
Lyon hefur unnið keppnina oftast allra eða átta sinnum, þar af sex sinnum á síðustu sjö árum.
Breytingar á skipulagi fréttadeildar RÚV
Krefjast stöðvunar framkvæmda
Hvorki sést áður hér á landi né annars staðar
„Höfum ekki náð að skríða upp úr þeirri gryfju“
Kaldasti veturinn kom að óvörum
Norskur lögreglumaður dæmdur