Áttu það á hættu að vera reknir úr keppni
Setja bókamerki
„Maður var alls ekki ónæmur fyrir umræðunni sem var í gangi fyrir leikinn og það hafði alveg áhrif á mann,“ sagði Höskuldur Gunnlaugsson, fyrirliði Breiðabliks, í samtali við mbl.is eftir 2:1-tap liðsins gegn Maccabi Tel Aviv í B-riðli Sambandsdeildarinnar í knattspyrnu á Kópavogsvelli í gær.
„Mér fannst við samt gera vel í því að setja allan fókusinn á leikinn sjálfan og mér fannst hópurinn í heild sinni tækla það nokkuð vel,“ sagði Höskuldur.
Varð var við umræðuna
Einhverjir stuðningsmenn Breiðabliks höfðu hvatt liðið til þess að neita að spila á móti ísraelska liðinu í ljós ástandsins fyrir botni Miðjarðarhafs.
„Maður varð alveg var við einhverja umræða tengda því en ég ætla nú ekki að vera með einhverjar háfleygar skoðanir um þá umræðu. Ég skil alveg hvaðan þessi umræða kemur og allt það en niðurstaðan og afleiðingarnar af því hefðu verið miklar.
Við hefðum jafnvel getað sagt bless við íslenskt félagslið í Evrópukeppni í einhvern tíma. Afleiðingarnar hefðu því verið miklar og ekki bara fyrir okkur heldur líka fyrir önnur íslensk lið til frambúðar,“ sagði Höskuldur.
Stafræna byltingin étur börnin sín
Umboðsmaður barna krefur ráðherra um svör
Myndband: Hnúfubakar komu fjölskyldu á bát á óvart
„Þú ert bara orðin miðaldra kona“
„Björguðu lífi þessa fólks“
Afhendir yngri kynslóðum keflið
Lögregla handtók mann sem reyndist eftirlýstur