Ísak Bergmann Jóhannesson skoraði í 2:0 sigri Düsseldorf á Wehen Wiesbaden á útivelli í þýsku B-deild karla í knattspyrnu í dag.
Ísak var í byrjunarliði og skoraði annað mark leiksins sem kom á 64. mínútu eftir stoðsendingu frá Shinta Karl Appelkamp og var svo skipt út af mínútu síðar.
Düsseldorf er í þriðja sæti deildarinnar með 52 stig þegar fimm umferðir eru eftir og kæmist í því sæti í umspil um sæti í efstu deild.