Barcelona gerði góða ferð til Almería og vann 2:0-útisigur er liðin mættust í spænsku 1. deildinni í fótbolta í kvöld.
Með sigrinum fór Barcelona langt með að tryggja sér annað sæti deildarinnar. Hinn 21 árs gamli Fermín López gerði bæði mörk Börsunga. Gerði hann fyrra markið á 14. mínútu og það seinna á 67. mínútu.
Nokkuð er síðan Real Madrid tryggði sér Spánarmeistaratitilinn. Er liðið í toppsætinu með 93 stig, Barcelona er í öðru með 79 og Girona í þriðja með 75.