Heimamaðurinn Brendon Todd er í forystu eftir þrjá hringi á World Golf Championship-mótinu í Memphis en fjórði og síðasti hringurinn hefst í kvöld.
Todd, sem er að eltast við sinn þriðja sigur á PGA-mótaröðinni á tímabilinu, er á 12 höggum undir pari en allmargar stórstjörnur eru á hælunum á honum. Byeong-hun An, frá Suður-Kóreu, er í öðru sæti á 11 höggum undir pari og Bandaríkjamaðurinn Rickie Fowler þriðji á tíu höggum.
Brooks Koepka, sem fjórum sinnum hefur sigrað á risamótum, er í 4. sæti á níu höggum undir pari en hann vann mótið í fyrra. Stöðuna á mótinu má sjá með því að smella hér.