Íslandsmeistarinn Guðrún Brá Björgvinsdóttir náði sér ekki almennilega á strik á ISPS Handa-mótinu í golfi um helgina en mótið er hluti af Evrópumótaröðinni, þeirri sterkustu í álfunni.
Guðrún var ólík sjálfri sér því hún lék fyrsta hringinn á 77 höggum og annan á 75 höggum og lauk því leik á samanlagt sjö höggum yfir pari. Hún var að lokum sjö höggum frá því að komast í gegnum niðurskurðinn.
Pajaree Anannarukarn frá Taílandi og Emma Talley frá Bandaríkjunum eru efstar á tólf höggum undir pari eftir þrjá hringi.