„Hópurinn er mjög svipaður og fyrra þrátt fyrir að við höfum misst þrjá leikmenn frá síðustu leiktíð. Kjarninn er eftir sem áður mjög líkur og við upphaf mótsins fyrir ári síðan,“ sagði Sigurbjörg Jóhannsdóttir, fyrirliði handboltaliðs Fram sem hafnaði í þriðja sæti Olís-deildar kvenna á síðasta keppnistímabili og féll síðan úr leik eftir æsispennandi þrjá leiki við Gróttu í undanúrslitum úrslitakeppninnar um Íslandsmeistaratitilinn.
„Ég er viss um að við komum sterkar inn í mótið. Allir leikmenn eru heilir. Mér líst bara mjög vel á hópinn. Við höfum unnið mjög vel og erum fyrir vikið vel gíraðar fyrir Íslandsmótinu,“ sagði Sigurbjörg.
Breytt fyrirkomulag deildarkeppninnar þar sem átta lið taka þátt og þau leika 21 leik hvert áður en fjögur efstu liðin fara í úrslitakeppni um Íslandsmeistaratitilinn undir vorsins næsta. Neðsta liðið fellur í 1.deild og það næst neðsta fer í umspilskeppni við lið í 1.deild um keppnisrétt í Olís-deildinni á næsta keppnistímabili.
Sigurbjörgu líst vel á þessar breytingar og telur að vægi hvers leiks í deildakeppninni aukist. „Nú mega liðin ekki misstíga sig, að minnsta kosti ekki oft. Leikirnir verða jafnari og deildakeppnin um leið. Staðan virðist þannig að liðin geta hæglega unnið hvert annað. Deildarkeppnin verður jafnari en meira spennandi. Ég hlakka til,“ sagði Sigurbjörg Jóhannsdóttir, fyrirliði Fram.
Lið Fram leiktíðina 2016-2017 í Olís-deild kvenna:
Guðrún Ósk Maríasdóttir, markvörður
Heiðrún Dís Magnúsdóttir, markvörður
Erna Guðlaugsdóttir, vinstra horn
Marthe Sördal, vinstra horn
Hulda Dagsdóttir, vinstri skytta
Ragnheiður Júlíusdóttir, vinstri skytta
Ragnheiður Ósk Ingvarsdóttir, vinstri skytta
Anna Þyri Ólafsdóttir, miðjumaður
Elva Þóra Arnardóttir, miðjumaður
Hafdís Shizuka Iura, miðjumaður
Sigurbjörg Jóhannsdóttir, miðjumaður
Hildur Þorgeirsdóttir, skytta hægra megin
Karólína Torfadóttir, skytta hægra megin
Lena Valdimarsdóttir, skytta hægra megin
Elísabet Mjöll Guðjónsdóttir, hægra horn
Elísabet Gunnarsdóttir, línumaður
Kristín Helgadóttir, línumaður
Steinunn Björnsdóttir, línumaður
Svala Júlía Gunnarsdóttir, línumaður
Þjálfari: Stefán Arnarson
Komnar frá síðasta keppnistímabili:
Engin
Farnar eftir síðasta keppnistímabil:
Ásta Birna Gunnarsdóttir er hætt
Hafdís Lilja Torfadóttir fór í Stjörnuna
Íris Kristín Smith fór að láni í Aftureldingu
Einnig er fjallað um Olís-deild kvenna í Morgunblaðinu í dag.