Lokakeppni EM kvenna í handknattleik hefst í Danmörku í dag og verður lið Noregs á ferðinni með Þóri Hergeirsson við stjórnvölinn.
Fjórir leikir eru á dagskrá og eru þeir í B- og D-riðli keppninnar. Noregur leikur gegn Póllandi í D-riðlinum og þar mætast einnig Rúmenía í Þýskaland. Leikurinn hjá Þóri og hans konum er klukkan 19:30.
Í B-riðli eigast annars vegar við Rússland og Spánn en hins vegar Svíþjóð og Tékkland.
Frakkland er núverandi Evrópumeistari en Noregur á mikilli velgengni að fagna á EM og hefur sjö sinnum unnið.
Til stóð að mótið færi fram í Danmörku og Noregi eins og þegar EM fór fram fyrir áratug síðan en Norðmenn þurftu að gefa frá sér gestgjafahlutverkið vegna sóttvarnarreglna í Noregi. Danir tóku þá að sér allt mótshaldið með litlum fyrirvara.