Magnús Öder Einarsson, leikmaður karlaliðs Fram í handknattleik, gekkst í gær undir aðra aðgerð á öxl á innan við einu ári.
Magnús fór einnig í aðgerð á öxl síðastliðið haust og eftir að hann fór úr axlarlið í leik með Fram fyrir tæplega tveimur mánuðum síðan varð það ljóst að hann þyrfti að fara undir hnífinn að nýju.
Í samtali við Handbolta.is kvaðst Magnús reikna með því að það muni taka hann fjóra til sex mánuði að jafna sig að fullu eftir aðgerðina.