Keppni hófst í kvöld í Hertz-deild karla í íshokkí þar sem Skautafélag Reykjavíkur og Björninn áttust við í Skautahöllinni í Laugardal.
Skautafélag Reykjavíkur hrósaði sigri, 3:2. Robbie Sigurðarson, Patrik Podsednicek og Sölvi Atlason skoruðu mörk Skautafélags Reykjavíkur og skoraði Sölvi sigurmarkið þegar tæp ein og hálf mínúta var eftir en Björninn var 2:1 yfir þegar skammt var eftir af leiknum. Ingþór Árnason og Andri Helgason skoruðu mörk Bjarnarins.