Boston Celtics er komið áfram í 2. umferð í úrslitakeppni Austurdeildarinnar í NBA-körfuboltanum í Bandaríkjunum eftir 110:106-sigur á Indiana Pacers á útivelli í kvöld.
Boston vann alla fjóra leiki liðanna og er fyrst allra liða til að komast áfram í 2. umferð. Indiana var með 49:47-forskot í hálfleik, en Boston vann seinni hálfleikinn með fimm stiga mun.
Gordon Hayward var stigahæstur í jöfnu liði Boston með 20 stig og Jayson Tatum og Marcus Morris skoruðu 18 stig hvor. Bojan Bogdanovic skoraði 22 stig fyrir Indiana og Tyreke Evans gerði 21 stig.