Valur og Keflavík eigast við í öðrum leiknum um Íslandsmeistaratitilinn í Dominos-deild kvenna í körfuknattleik í kvöld.
Valur, sem varð deildarmeistari og bikarmeistari, er 1:0 yfir í einvíginu en Valur fagnaði sigri í fyrsta leiknum á öðrum degi páska 75:63.
Vinna þarf þrjá leiki til að hampa Íslandsmeistaratitlinum og fari Valur með sigur af hólmi í kvöld getur liðið tryggt sér titilinn á heimavelli á laugardaginn.
Flautað verður til leiks í Blue-höllinni í Keflavík í kvöld klukkan 19.15.