Haukur Helgi Pálsson og félagar hans í Nanterre eru úr leik í baráttunni um franska meistaratitilinn í körfuknattleik.
Nanterre og Lyon-Villeurbanne áttust við í þriðju viðureign liðanna í undanúrslitunum á heimavelli Nanterre í kvöld þar sem Lyon-Villeurbanne vann stórsigur 99:56og liðið vann þar með einvígið 3:0.
Lyon-Villeurbanne gerði út um leikinn í fyrri hálfleik. Staðan eftir fyrsta leikhlutann var 32:18 og í hálfleik var staðan 58:33.
Haukur Helgi hafði hægt um sig en hann skoraði aðeins tvö stig og tók tvö fráköst.