Bandaríski framherjinn Callum Lawson hefur skrifað undir samning við körfuknattleiksdeild Vals og mun leika með meistaraflokki karla á komandi tímabili.
Lawson, sem er 198 sentimetrar á hæð, var síðast á mála hjá Þór frá Þorlákshöfn þar sem hann lék frábærlega og hjálpaði liðinu að vinna sinn fyrsta Íslandsmeistaratitil í sögu félagsins í sumar.
Hann kom fyrst hingað til lands í janúar 2020 þegar hann samdi við Keflavík. Íslandsmótið var nokkrum mánuðum síðar blásið af það ár og samdi Lawson síðar á því ári við Þór.
Lawson kemur til landsins eftir helgina og mun þá hitta fyrir nýja liðsfélaga sína.