Boston Celtics lauk deildakeppninni í NBA-deildinni í körfuknattleik með besta árangur allra liða, hefur unnið 64 og einungis tapað 18 leikjum. New York Knicks er í 2. sæti Austurdeildarinnar.
Síðasta umferð deildarinnar fór fram í kvöld. New York skaust upp fyrir Milwaukee Bucks með eins stigs sigri á Chicago Bulls í Madison Square Garden, Jalen Brunson skoraði 40 stig fyrir heimamenn. Á sama tíma steinlá Milwaukee fyrir Orlando Magic.
Vestanmegin hafnar Oklahoma City Thunder í efsta sæti, meistarar Denver Nuggets í 2. sæti og Minnesota Timberwolves í 3. sæti.
Umspil úrslitakeppninnar hefst strax á þriðjudag.