Las Alistair Darling þetta bréf?

Þessarar spurningar er spurt í svonefndum Alphaville bloggdálki á vefsíðu breska viðskiptablaðsins Financial Times í dag. Er vísað í bréf, sem íslenska viðskiptaráðuneytið sendi til breska fjármálaráðuneytisins 5. október þar sem fjallað er um ábyrgðir tryggingarsjóðs innlána á innistæðum á Icesave-reikningum Landsbankans.

Síðan segir:

„Afrit af þessu bréfi gengur nú milli manna á Íslandi. Ef það er ósvikið styður það að nokkru leyti fullyrðingar Íslendinga um að þeir hafi gefið loforð um að vernda breskar innistæður í Icesave reikningum Landsbankans.  

Útskrift af samtali Darling fjármálaráðherra og íslenska fjármálaráðherrans Árna M. Mathiesen sem átti sér stað daginn áður en Bretland frysti íslensku innistæðurnar virðast einnig ganga í berhögg við þá afstöðu Bretlands að Ísland hafi lýst því yfir að það ætlaði ekki að standa við loforð sín.

Í útskriftinni vísar íslenski ráðherrann til bréfs:

Við höfum tryggingasjóð innlána samkvæmt Directivinu og hvernig hann starfar er útskýrt í bréfinu og sömuleiðis loforð stjórnvalda um stuðning við sjóðinn."

Afphaville

Tengdar fréttir

Bankakreppa

Biðu sömu örlaga og Ísland

• Vilja að bankarnir endurgreiði aðstoðina
• Merki um siðrof í þjóðfélaginu
• Eignir metnar á 775 milljarða
• Auknar álögur á íbúa Grimsby

» Fleiri tengdar fréttir

• 4 blogg um fréttina

Bloggað um fréttina

• Vilborg Traustadóttir: Las Darling þetta?
• Brjánn Fransson: spurning
• Friðrik Þór Guðmundsson: Við ábyrgjumst Landsbankann - not really
• Stefán Friðrik Stefánsson: Áhugaverð umfjöllun - pressan stendur sig