Starfsfólk flugfélagsins SAS fær viku til að ákveða hvort það gengur að skilmálum stjórnenda fyrirtækisins um launalækkanir. Lækkunin nemur um 15%. Stéttarfélag SAS-starfsmanna í Noregi tilkynnti í morgun að það samþykkti ekki þessar lækkanir.

Danskir starfsmenn SAS eru að skoða málið. Bente Sorgenfri formaður danska stéttarfélagsins, FTF, sem er meðal annars félag flugfreyja og -þjóna hjá SAS, segir í samtali við Politiken.dk að fundir verði haldnir í vikunni þar sem málið verður rætt og eftir það verði SAS tilkynnt um niðurstöðuna.

Sorgenfri dregur ekki dul á að henni þykir tillagan um launalækkunina ósanngjörn. „Mér sýnist að SAS hafi komið sér sjálft í þessa stöðu. Þar hafa slæmar viðskiptaákvarðanir verið teknar og sumar hafa ekkert með kjarnastarfsemina að gera,“ segir hún.

Breytingar hjá SAS

• 2004: 32.481 starfsmenn
• 2005: 26.825 starfsmenn
• 2006: 26.328 starfsmenn
• 2007: 20.784 starfsmenn
• 2008: 19.636 starfsmenn
• 2009: 17.371 starfsmenn
• 2010: 15.559 starfsmenn
• 2011: 15.142 starfsmenn
• Hluta fækkunar starfsmanna má rekja til sölu á dótturfélögum.
• SAS flaug til 146 áfangastaða árið 2004, en í fyrra voru þeir 128.
• Á sama tíma fækkaði daglegum brottförum flugvéla SAS úr 1450 í 1085.
• 33 milljónir farþega ferðuðust með SAS árið 2004, þeir voru 27 milljónir  2011.
• Árið 2004 hafði SAS yfir að ráða 297 flugvélum, en árið 2011 voru þær 215.
• (Heimild: Politiken)

Tengdar fréttir

Flugfélagið SAS

Íslensku flugfélögin bera uppi vöxtinn

• SAS bætir við áfangastöðum
• SAS kynnir nýja áfangastaði
• Ráðherra sendi flugfreyjum sms
• SAS ekki komið í örugga höfn

» Fleiri tengdar fréttir

• Blogga um frétt