Stjórnendur flugfélagsins sem hefur vinnuheitið WAB eru langt komnir með stofnun félagsins. Hins vegar hefur ekki verið tímasett hvenær reksturinn verður kynntur almenningi.

Sveinn Ingi Steinþórsson, forsvarsmaður félagsins, vildi ekki tjá sig um málið.

Fram kom í ViðskiptaMogganum í síðustu viku að draga myndi til tíðinda hjá WAB í dag.

Á bakvið WAB, eða We Are Back, standa m.a. fyrrverandi starfsmenn hins fallna flugfélags WOW, með Svein Inga, sem stýrði hagdeild WOW, í forsvari.

Skv. heimildum Morgunblaðsins gengur fjármögnun WAB vel. Rætt var um að tekist hefði að tryggja 40 milljónir evra. Þetta fékkst ekki staðfest hjá WAB.

Tengdar fréttir

Sviptivindar í flugrekstri

Ernir hyggst skila inn flugrekstrarleyfi

• Fjórtán segja upp hjá Play
• Tilboð sem flugmenn Play þurfa að svara í dag
• Play tekur á móti nýrri þotu
• Hvað tekur við eftir „afsláttarárin“?

» Fleiri tengdar fréttir