Gengi hlutabréfa Tesla rýkur upp

Elon Musk, stofnandi Tesla og SpaceX.
Elon Musk, stofnandi Tesla og SpaceX. AFP

Gengi hlutabréfa rafbílaframleiðandans Tesla hækkaði um 8% við opnun markaða vestanhafs og stendur gengið nú í rétt ríflega 1.200 Bandaríkjadölum. Kemur hækkunin í kjölfar betri afkomu en gert hafði verið ráð fyrir í öðrum ársfjórðungi þessa árs. 

Áður hafði því verið spáð að Tesla myndi afhenda um 72 þúsund ökutæki í ársfjórðungnum. Að því er fram kom í uppgjöri félagsins var raunin önnur. Alls seldust umtalsvert fleiri ökutæki, eða 90.650. Er þetta talið koma á óvart í ljósi áhrifa og útbreiðslu kórónuveirunnar í Bandaríkjunum. 

Af ökutækjunum 90.650 voru rétt ríflega 80 þúsund af gerðinni Model 3s og um 10.600 af gerðunum Model S luxury sedan og Model X SUVs. Markaðsvirði fyrirtækisins er nú orðið hærra en japanska bílaframleiðandans Toyota. 

mbl.is
  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK