Arctic Adventures leitar kauptækifæra

Styrmir Þór Bragason, forstjóri Arctic Adventures, segir endurskipulagningu félagsins langt komna. Félagið hafi selt þrjár rekstrareiningar og sala á þeirri fjórðu sé í undirbúningi.

„Það er fleira í farvatninu. Við erum að ganga frá kaupum á fyrirtækjum sem eru tengd því sem við viljum styrkja enn frekar,“ segir Styrmir Þór í samtali í ViðskiptaMogganum í dag um uppstokkunina.

Félagið sérhæfir sig í ævintýraferðum. Þegar mest var störfuðu um 300 manns hjá félaginu en nú eru starfsmennirnir um 20 talsins.