Stærsta snyrtivöruverslun landsins nú á netinu

Hagkaup, sem löngum hefur starfrækt stærstu snyrtivöruverslun landsins í snyrtivörudeildum sínum, hefur opnað vefverslun þar sem nálgast má úrvalið úr snyrtivörudeildunum.

Í vefversluninni má finna mörg stærstu snyrtivörumerki heims. Um 18.000 vörunúmer eru í vefversluninni og munu fleiri bætast við á degi hverjum.

Fram kemur í upplýsingum á síðunni að pantanir séu afhentar samdægurs á höfuðborgarsvæðinu og degi síðar á landsbyggðinni.

Langþráður draumur

Sigurður Reynaldsson, framkvæmdastjóri Hagkaupa, segir að opnun snyrtivöruverslunarinnar sé langþráður draumur. 

Í vefversluninni má finna mörg stærstu snyrtivörumerki heims. Ljósmynd/Hagkaup

„Við lögðum því mikinn metnað í smíði á nýju vefversluninni og vorum með hóp viðskiptavina með okkur í þróunarferlinu sem gáfu okkur verðmæta endurgjöf á verslunina,“ segir Sigurður. 

Þá bætir hann við að nú þegar sé um 92% af snyrtivöruframboði Hagkaups fáanlegt í nýju vefverslunina og stefnt sé að því að vera komin með allar vörur inn á næstu mánuðum.

Ánægjulegt að getað þjónustað landið allt

„Í nýju versluninni má einnig finna efnismikið blogg og þar er alltaf hægt að leita í góð ráð og innblástur. Viðskiptavinir hafa tekið vefversluninni mjög vel og var mjög mikið fjör í pöntunum á síðustu Tax- free dögum Hagkaups. Það er okkur mikið ánægjuefni að geta nú þjónustað viðskiptavini okkar um allt land þar sem að við bjóðum upp á sendingar úr vefversluninni hvert á land sem er hratt og vel“ segir Sigurður.

Ný markaðsherferð á vefversluninni ber yfirskriftina Vertu þú! „Við erum öll ólík og allskonar og vildum við minna á þau mikilvægu skilaboð í okkar markaðssetningu. Lífið er hreinlega skemmtilegra í smá lit og öll eigum við að hafa frelsi til að vera við sjálf, alveg eins og við viljum vera,“ segir Sigurður um herferðina.

• Blogga um frétt