Anna Katrín tekur við Alfreð

Anna Katrín Halldórsdóttir nýr framkvæmdastjóri atvinnuleitarmiðilsins Alfreðs
Anna Katrín Halldórsdóttir nýr framkvæmdastjóri atvinnuleitarmiðilsins Alfreðs

Anna Katrín Halldórsdóttir hefur verið ráðin framkvæmdastjóri atvinnuleitarmiðilsins Alfreðs og hefur þegar tekið til starfa. Tekur hún við starfinu af Halldóri Friðriki Þorsteinssyni, öðrum aðaleiganda Alfreðs, sem verið hefur framkvæmdastjóri fyrirtækisins undanfarin tvö ár. Halldór mun nú einbeita sér að erlendum mörkuðum og uppbyggingu starfseminnar erlendis. Þetta kemur fram í tilkynningu frá félaginu.

Alfreð fór fyrst í loftið árið 2013 og starfar nú á fjórum mörkuðum, en auk Íslands er Alfreð í Tékklandi, á Möltu og í Færeyjum.

Anna Katrín hefur starfað sem stjórnendaráðgjafi og setið í stjórnum fyrirtækja. Hún er viðskiptafræðingur frá Háskóla Íslands, með meistaragráðu í alþjóðaviðskiptum frá Copenhagen Business School og hefur lokið AMP stjórnendanámi frá IESE Business School í Barcelona. 

mbl.is
  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK