Baltasar Kormákur gerir samning við Apple

Baltasar Kormákur Baltasarsson, eigandi RVK Studios, hefur gert samning við tæknirisann Apple. Þetta tilkynnti hann á morgunverðarfundi Kompanís sem fram fór í morgun.

Í samtali við mbl.is segir Baltasar að hann geti lítið tjáð sig um samninginn en þetta sé þó stærsta verkefnið sem hann hafi unnið að hingað til.

„Þetta er risastórt verkefni sem Apple eru framleiðendur að, en ég má því miður ekki segja meira. Það er kominn samningur en það er ekki búið að tilkynna þetta,“ segir Baltasar.

Tæknirisinn Apple er orðinn stórtækur í kvikmyndaframleiðslu en meðal verkefna sem Apple hefur komið að má nefna stórmyndina Napoleon sem nú er sýnd í kvikmyndahúsum og stórmyndina Killers of the Flower Moon sem var sýnd nýverið en þar fer Leonardo DiCaprio með aðalhlutverk.

Frétt af mbl.is

„Það var draumur minn að búa til alþjóðlegt stúdíó“

• Blogga um frétt