Greiningardeild Íslandsbanka spáir því að tólf mánaða verðbólga muni í þessum mánuði lækka nokkuð myndarlega, eða úr 6,8% niður í 6,1%. Er greiningardeildin þar með sammála spá Landsbankans sem gerir einnig ráð fyrir að verðbólgan fari niður í 6,1% þegar Hagstofan birtir tölur sínar fyrir apríl mánuð á síðasta degi vetrar, 24. apríl.

Íslandsbanki gerir ráð fyrir að vísitala neysluverðs hækki um 0,6% milli mánaða, en verðbólgan er tólf mánaða breyting vísitölunnar. Þrátt fyrir hækkun vísitölunnar milli mánaða þýðir það lækkun á verðbólgu, þar sem hækkun vísitölunnar í apríl í fyrra var nokkuð meiri, eða um 1,3%.

Frétt af mbl.is

Spá því að verðbólgan taki ríflegt skref niður

Íslandsbanki spáir því að reiknuð húsaleiga muni vega þyngst til hækkunar að þessu sinni, en einnig að flugverð muni hækka, líkt og tíðkast um páska.

Þessi hækkun á reiknaðri húsaleigu kemur m.a. til vegna eftirspurnarþrýstings sem stafar af íbúðarkaupum Grindvíkinga. Að öllum líkindum mun þó draga úr eftirspurnarþrýstingi á ný eftir því sem líður á árið að því er bankinn spáir.

Einnig er gert ráð fyrir að breytt aðferðafræði við útreikning á reiknuðu húsaleigunni muni trúlega koma til með að minnka sveiflur á henni og verðbólga muni sökum þess líklega mælast heldur minni á seinni hluta árs.

Samkvæmt spá Íslandsbanka fyrir komandi mánuði er gert fyrir að ársverðbólgan lækki svo niður í 6% í maí og 5,6% í júní, en hækki örlítið og verði 5,8% í júlí. Langtímaspá gerir svo ráð fyrir að verðbólgan verði í kringum 5% um áramót og taki eftir það að lækka skarpt.

Tengdar fréttir

Vextir á Íslandi

Telur forsendur fyrir vaxtalækkun

• Arion banki hækkar vexti
• „Á réttri leið en nokkuð í land ennþá“
• „Skýr skilaboð til Seðlabankans“
• „Okkur miðar í rétta átt“

» Fleiri tengdar fréttir

• Blogga um frétt