Fjölmennt á fundi Kompanís

Fjölmennt var á morgunverðarfundi Kompanís, viðskiptaklúbbi Morgunblaðsins, sem haldinn var í Hádegismóum í morgun. Á fundinn mættu yfir 100 manns, en Sigurður Reynaldsson, framkvæmdastjóri Hagkaups, var gestur Stefáns Einars Stefánssonar, sem ræddi við hann um sögu fyrirtækisins, reksturinn og ný verkefni á vegum Hagkaups.

Sigurður lýsti því á fundinum hversu mikið vöruúrval Hagkaup er með en keðjan rekur 7 verslanir, þar af 6 á höfuðborgarsvæðinu og 1 á Akureyri. Þá er Hagkaup með 60.000 vörutegundir, meðan aðrar matvöruverslanir eru gjarnan með í kringum 8.000.

„Þegar það rifjast upp fyrir manni að Hagkaup hefur verið til í 65 ár verður maður að muna að það er ekki sjálfsagt. Maður verður að hreyfa sig hratt og fylgjast vel með því ef maður gerir það ekki þá hverfur maður af markaði eins og svo oft verður með matvöruverslanir.“

Sigurður rifjaði á fundinum upp sögu Hagkaupa sem byrjaði með því að Pálmi Jónsson, bóndastrákur úr Skagafirði, átti sér þann draum að fara í verslunarrekstur.

„Hann bjó til verslun í fjósi í Hlíðunum, en það húsnæði stendur enn. Hann byrjaði í fatnaði og gefur út póstlista. Það fór síðan að vinda upp á sig og nokkrum árum síðar opnar hann saumastofu og flytur inn gallaefni frá Ameríku,“ segir Sigurður.

Hann lýsir því að Pálmi hafi síðan ásamt félögum sínum stefnt að því að reisa íslenskt iðnaðarsvæði í Skeifunni og upp úr því spratt hugmyndin að opna fyrsta íslenska stórmarkaðinn.

„Þá fór boltinn að rúlla og Pálmi var á þessum tíma að pönkast í kerfinu. Tveimur árum síðar varð Hagkaup fyrsta matvörubúðin til að selja mjólk. Sem þótti stórtíðindi á þeim tíma.“

Sigurður segir að Pálma hafi ekki fundist nóg að opna bara fyrsta íslenska stórmarkaðinn. Hann hafði stærri draum um að opna verslunarmiðstöð.

„Menn héldu að hann væri galinn en þetta gerði hann og Kringlan var lengi vel þekkt sem Hagkaupshúsið. Manni finnst magnað hvað einn einstaklingur getur haft stóra drauma og gert þá að veruleika.“

Nýjungar í bígerð

Á fundinum tilkynnti Sigurður að Hagkaup væri með mörg ný og spennandi verkefni í bígerð. Meðal annars veisluþjónustu, skyrbar og netverslun með áfengi. 

„Við höfum verið að gera flotta hluti með veisluþjónustuna okkar og bæta við úrvali þar. Önnur hugmynd sem við höfum verið með er að opna skyrbar sem er nýjung að því leytinu til að við setjum skyr í ísvélar. Þannig viðskiptavinurinn fær skyr í formi rjómaíss,“ segir Sigurður og bætir við að sá skyrbar nefnist Skálinn.

„Það hefur verið brjálað að gera á þeim bar og við höfum fengið góðar viðtökur,“ segir Sigurður.

Hagkaup mun í næsta mánuði opna netversl­un með áfengi að sögn Sigurðar. „Við erum síðustu mánuði búin að smíða vef­versl­un með áfengi og mun­um opna í næsta mánuði. Við erum að ákveða úr­val og þetta er á loka­metr­un­um,“ seg­ir Sig­urður.

Net­versl­un­in mun virka þannig að viðskipta­vin­ir skanna QR-kóða þegar þeir koma inn í versl­un­ina. Á meðan viðskipta­vin­ur versl­ar aðrar vör­ur í búðinni set­ur starfsmaður áfengu vör­urn­ar í poka og í lok versl­un­ar­ferðar­inn­ar sæk­ir viðskipta­vin­ur­inn áfengið á þjón­ustu­borðið.

Sig­urður seg­ir að upp­haf­lega hafi Hag­kaup ætlað að bíða átekta og fá skýr­ari ramma frá stjórn­völd­um varðandi þessa starf­semi. Sá rammi hafi ekki komið fram.

„Fyrr­ver­andi dóms­málaráðherra hef­ur nú þegar gefið út að þessi starf­semi sé lög­leg. Við mun­um auk þess bjóða upp á heimsend­ingu á áfengi auk þjón­ust­unn­ar í versl­un­inni.“

Sig­urður kveðst vera spennt­ur fyr­ir þessu nýja verk­efni og rifjar upp að fyr­ir 17 árum síðan hafi Hag­kaup gert ráð fyr­ir vín­deild í sinni versl­un.

„Við héld­um að þá yrðu aðeins 1-2 ár í að það yrði lög­legt að selja áfengi í versl­un­inni. En sá tími er því miður ekki kom­inn,“ seg­ir Sig­urður.

Öflugur viðskiptaklúbbur

Kompaní er viðskiptaklúbbur Morgunblaðsins og mbl.is og er ætlað að sameina starfandi fólk á Íslandi. Kompaní er vettvangur miðla Árvakurs til að veita viðskiptavinum enn betri þjónustu þar sem hægt er að hlýða á fræðslufundi og fyrirlestra, fylgjast með nýjungum og læra af reynslu annarra sem þekkja hvað það er að reka fyrirtæki á Íslandi.

Á fundinum sem fram fór í morgun gæddu gestir fundarins sér á veitingum frá Finnsson Bistro. Hér að neðan má sjá myndir frá þessum fjölsótta fundi.