Leggur mest upp úr einföldu lífi

Það að vera foreldri er ævintýralegt ferðalag. Það skilur Bohannah Gerritsen betur en margir aðrir. Uppáhaldsbókin hennar er „The Seven Spiritual Laws of Success“ eftir Deepak Chopra og lifir hún í anda bókarinnar með börnum sínum þremur og eiginmanni í Ástralíu.

Í viðtali við Your Zen Mama segir Gerritsen að fjölskyldan elski að leika úti í garði þegar veðrið er gott. 

„Börnin leika sér úti fáklædd að vökva blómin eða gramsa í sandinum. Við elskum líka að fara á ströndina eins oft og við getum, ýmist snemma á morgnana eða á kvöldin. Þegar eiginmaður minn og faðir þeirra er heima, en hann er mikið í burtu vegna vinnu, þá elskum við að fara í stutt ferðalög á húsbílnum okkar nálægt sjó eða vatni.“

Fjölskyldan lifir einföldu lífi með djúpa merkingu. Góð heilsa, gleði og einfalt líf sem gefur hugarró eru hugtök sem hún tengir við velgengni í þessu lífi. 

Þegar hún baðar yngsta barnið sitt í vaskinum heima notar hún mjólk og hunang og rósir út í vatnið. Hver einasti dagur er gjöf og hún nostrar við að gera sem mest úr deginum. 

• Blogga um frétt