Reese Witherspoon ræddi opinskátt við Ellen DeGeneres í vikunni um hversu erfitt henni þótti tíminn þegar Ava dóttir hennar fór í háskóla og flutti að heiman.
„Það er skrítið þegar börnin fara í háskóla. Í raun mjög erfitt,“ segir Witherspoon í viðtalinu. „Ég gæti hafa farið inn í herbergið hennar, legið á rúminu og grátið þegar hún fór í háskólann.“
Leikkonan á tvö börn með fyrrum eiginmanni sínum Ryan Phillippe. Dótturina Ava sem er nítján ára og soninn Deacon sem er fimmtán ára að aldri. Hún á einnig soninn Tennessee sex ára með núverandi eiginmanni sínum Jim Toth.
View this post on InstagramA post shared by Reese Witherspoon (@reesewitherspoon) on Sep 9, 2018 at 4:02pm PDT
Þær mæðgur þykja einstaklega líkar í útliti. Witherspoon segir að hún eigi von á Ava aftur heim, þó hún sjálf hafi ekki fetað þá leið í lífinu. Hún fór ung að heiman í háskóla, fór frá námi áður en hún kláraði þar sem kvikmyndaáhugi hennar hafði kviknað og tækifæri gefist á því sviði.