Stormi Webster, dóttir Kylie Jenner og Travis Scott, er ekki orðin tveggja ára en er þó greinilega mikil pabbastelpa. Rapparinn birti myndir af dóttur sinni í vikunni með eins hárgreiðslu og hann er þekktur fyrir að skarta.
„Pabbahár“ skrifaði rapparinn á Instagram við myndina af dóttur sinni með margar litlar fléttur í hárinu.
Stormi sem varð eins árs í febrúar á þessu ári virðist hafa það gott þessa dagana þrátt fyrir að foreldrar hennar, raunveruleikastjarnan Kylie Jenner og rapparinn Travis Scott, slitu sambandi sínu í haust.