Spjallþáttastjórnandinn Meghan McCain ætlar ekki að greina frá meðgöngu sinni í smáatriðum á samfélagsmiðlum og ekki deila myndum heldur. Ástæðan er sú að fólk skilur enn eftir ljótar athugasemdir um föður hennar á samfélagsmiðlafærslum hennar.
Faðir hennar var öldungardeildarþingmaðurinn og forsetaframbjóðandinn John McCain. John lést úr krabbameini árið 2018, 81 árs að aldri. Meghan segir að fólk skilji enn eftir athugasemdir undir færslum hennar þar sem það segist vera ánægt með að faðir hennar hafi fengið krabbamein og dáið.
View this post on InstagramA post shared by Meghan McCain (@meghanmccain) on May 17, 2020 at 9:26am PDT
„Fólk er alltaf að spyrja og óska eftir því að ég deili myndum og upplýsingum um meðgönguna. Þar sem fólk skrifar við myndir sem ég deili af fjölskyldunni minni að þau séu ánægð að faðir minn hafi fengið krabbamein og að hann sé í helvíti ákvað ég að blanda ekki ófæddu barni mínu inn í umræðuna á samfélagsmiðlum,“ skrifaði Meghan.
Megan bætti einnig við að hún og eiginmaður hennar Ben Domenech hafi tekið meðvitaða ákvörðun um að reyna að vernda friðhelgi einkalífs barns síns eins mikið og þau gætu.
View this post on InstagramA post shared by Meghan McCain (@meghanmccain) on May 28, 2020 at 1:31pm PDT