Crossfitstjarnan Annie Mist Þórisdóttir eignaðist sitt fyrsta barn á dögunum með kærasta sínum Frederik Aegidius. Frederik hefur oft séð Annie Mist sýna styrk sinn en hann á þó ekki orð yfir styrkinn Annie sýndi þegar hún fæddi barn þeirra.
„Ég hef eytt nánast öllum mínútum síðan 2010 við hlið Annie Þórisdóttur,“ skrifaði Frederik um Annie á Instagram og taldi upp allt það ótrúlega sem hann hefur fylgst með henni gera síðan þá. Annie varð meðal annars hraustasta kona heims tvisvar, komast aftur á pall á heimsleikunum í Crossfit eftir erfið meiðsli og svo lengi mætti telja. Ekkert toppar þó fæðingu dóttur þeirra.
„Það sem hún gerði þessa helgi er eitthvað sem ég hélt að væri aldrei mögulegt. Ég vil ekki segja „stelpan mín er sterkari en þín“, en stelpan mín ER STERKARI en allir aðrir!,“ skrifaði stolti nýbakaði faðirinn Frederik á Instagram.
Foreldrarnir nýbökuðu greindu frá því á samfélagsmiðlum á þriðjudaginn að dóttir þeirra væri komin í heiminn.
View this post on InstagramA post shared by Frederik Aegidius (@frederikaegidius) on Aug 13, 2020 at 4:13am PDT