Stjörnur sem hafa ættleitt börn
Setja bókamerki
Margar stórstjörnur eru líka með stórt hjarta og þótt þau hafi eignast sín börn líffræðilega hafa margar stjörnur líka ættleitt börn. Þá hafa margar stjörnur líka glímt við ófrjósemi eða önnur vandræði sem hafa komið í veg fyrir að þau eignist börn.
Tónlistarkonan Sia ættleiddi til dæmis á síðasta ári tvo unglingsdrengi sem voru á fósturheimili. Synir hennar voru 18 ára þegar hún ættleiddi þá og áttu þar af leiðandi ekki rétt á að vera lengur í fósturbarnakerfinu í Bandaríkjunum.
Sjónvarpsstjarnan Barbara Walters missti fóstur þrisvar sinnum á 7. áratug síðustu aldar og ákvað í kjölfarið að ættleiða dótturina Jackie Dena.
Leikkonan Mia Farrow gekk með fjögur börn en hún ættleiddi einnig sjö börn, þau Soon-Yi, Summar, Moses, Dylan, Isaiah, Quincy og Frankie.
Leikkonan Michelle Pfeiffer ættleiddi dótturina Claudiu Rose árið 1993, áður en hún kynntist eiginmanni sínum David E. Kelly. Pfeiffer og Kelly eignuðust svo soninn John árið 1994.
Leikkonan Rosie O'Donnell eignaðist dótturina Vivienne Rose með tæknifrjógvun en ákvað seinna að ættleiða fjögur börn. Í dag á hún Parker Jaern, Chelsea Belle, Blake Christopher og Dakota.
Leikkonan Jamie Lee Curtis og eiginmaður hennar Christopher Guest ættleiddu tvö börn, þau Annie og Tom.
Leikarinn Hugh Jackman og eiginkona hans Deborra-Lee Furness misstu tvö fóstur áður en þau ákváðu að ættleiða. Í dag eiga þau tvö ættleidd börn, þau Oscar og Övu.
Angelina Jolie og Brad Pitt ættleiddu þrjú börn, þau Maddox, Pax og Zahara, áður en þau eignuðust þrjú börn saman.
Saka Ísraela um fjöldamorð
Fjármögnun alríkisins enn í óvissu
97 aðgerðir hafa neikvæð áhrif
„Staðan er grafalvarleg“
Sýklalyfjaónæmi vaxandi vandamál
/frimg/1/51/65/1516515.jpg)
Sigrún og Gestur forstjórar nýrra stofnana