Það kannast eflaust margir foreldrar við það að vera með endalaust samviskubit yfir að geta ekki leyft börnum sínum að hitta alla vini sína, ferðast og upplifa eitthvað nýtt í heimsfaraldrinum. Leikkonan Eva Mendes virðist í það minnsta finna vel fyrir því.
Mendes birti nýlega mynd á instagramsíðu sinni þar sem hún sagði frá því að dóttir hennar hefði endilega viljað klippa mynd af plötuumslagi. „Ég dó hljóðlaust inni í mér en sagði strax já. Mammviskubit í heimsfaraldri,“ skrifaði Mendes.
Mendes á tvær dætur, þær Esmeröldu sex ára og Amödu fjögurra ára, með eiginmanni sínum Ryan Gosling. Líkt og fleiri hafa þau að mestu leyti haldið sig heima með börnin í faraldrinum.
Mendes birti einnig mynd af kinnalit í stiftformi sem dóttir hennar laskaði með því að stinga plokkara ofan í hann.