Kanadíski uppistandarinn og hlaðvarpsstjarnan Katherine Ryan eignaðist son í gær en hún tilkynnti opinberlega að hún væri ólétt fyrir tveimur vikum. Í góðlátlegu grínu biður hún aðdáendur sína afsökunar á Instastory að hafa ekki hlaðið niður nýjum hlaðvarpsþætti í gær en birtir þar mynd af sér með nýfæddu barni og segir: „Ég hafði mjög góða ástæðu fyrir því að þáttur gærdagsins verður birtur seinna.“
Fyrir tveimur vikum birtu hún og maðurinn hennar Bobby Kootstra meðgöngumyndir en þetta er fyrsta barn þeirra saman, fyrir á Katherine Ryan hina ellefu ára gömlu Violet.
Ryan fyrirhugar sýningarferðalag á komandi mánuðum og hefur síðustu daga og vikur fengið fjölmargar fyrirspurnir um hvort hún ætli að fresta sýningunum vegna fæðingarinnar. Hún hefur svarað spurningum ákveðið og segir: „Ég ætla ekki að láta þessa kynbundnu gagnrýni hafa áhrif mig og mitt jafnvægi. Nei, ég mun ekki hætta við fyrirhugaðar sýningar.“