Hollywoodleikkonan Rebel Wilson hefur grennst mikið á undanförnum misserum. Hún ákvað að taka sjálfa sig í gegn til þess að auka möguleika sína á að eignast barn. Þegar læknir stakk fyrst upp á þessu tók hún reyndar ekki vel í hugmyndina. 

Hin 41 árs gamla leikkona er talin hafa lést um 30 kíló á rúmlega einu ári. Hún fékk spurningu um lífsstílsbreytingu sína í lifandi streymi á instagramsíðu sinni á dögunum. 

„Þú hefðir miklu meiri möguleika ef lifnaðarhættirnir væru heilsusamlegri,“ sagði læknir við Wilson þegar hún var að skoða hvað hún gæti gert til þess að eignast barn.

„Ég var reyndar pínu móðguð. Mér fannst ég vera nokkuð hraust þótt ég væri stærri,“ viðurkenndi hún á samfélagsmiðlinum. „Þess vegna byrjaði ég, vegna þess að ef ég léttist ætti ég meiri möguleika á að frysta egg og egg í meiri gæðum.“

Wilson var því að hugsa um framtíðarbörn sín þegar hún ákvað að taka heilsuna föstum tökum. Hún hefur verið dugleg að sýna frá gangi mála á Instagram og hvernig hún æfir. Í maí greindi hún frá því að hún hefði fengið slæmar fréttir á vegferð sinni að móðurhlutverkinu en sagði ekki nákvæmlega hvað hefði komið upp á.

Tengdar fréttir

Ófrjósemi

63 ára og vill eignast barn með unga eiginmanninum

• Óvænt ólétta, tvíburameðganga og missir
• Ófrísk eftir að hafa eytt 26,4 milljónum í glasafrjóvgun
• Tók u-beygju eftir 20 ár sem forritari og skráði sig í sálfræði
• „Ófrjósemi er það erfiðasta sem ég hef gengið í gegnum“

» Fleiri tengdar fréttir

• Blogga um frétt