Tónlistarkonan Rihanna hefur verið á allra vörum síðustu daga, en hún stal sannarlega senunni þegar hún steig á svið í hálfleik Ofurskálar NFL-deildarinnar á dögunum og tilkynnti að hún ætti von á sínu öðru barni. 

Rihanna og kærasti hennar, A$AP Rocky prýða nú forsíðu nýjasta tölublaðs breska Vogue ásamt syni þeirra. Í viðtali við tímaritið ræðir Rihanna um móðurhlutverkið og ferilinn á einlægan máta. 

Fyrstu vikurnar trylltar

Rihanna og Rocky tóku á móti sínu fyrsta barni í maí á síðasta ári. Tónlistarkonan vakti strax mikla athygli fyrir framúrstefnulegan meðgöngufatnað, en eftir að sonur hennar kom í heiminn hefur hún verið minna í sviðsljósinu, þó svo hún sé vissulega með marga bolta á lofti. 

Frétt af mbl.is

Myndi aldrei klæðast óléttufötum

Í viðtali við Vogue lýsir Rihanna fyrstu dögum móðurhlutverksins sem gjörsamlega trylltum. „Þú sefur ekki. Ekki neitt. Ekki þótt þú vildir það,“ útskýrði tónlistarkonan og bætti við að þau Rocky hafi ekki haft neinn til að hjálpa sér eftir að hún fæddi son sinn og þurftu því að stinga sér beint í djúpu laugina. 

„Þetta vorum bara við sem foreldrar og barnið okkar. Þú hugsaR: „Þau treystu okkur bara til að fara heim með þetta barn? Þetta nýja líf? Með okkur? Engir læknar, engir hjúkrunarfræðingar, við erum bara ... að fara heim?“ útskýrði tónlistarkonan. 

Þrátt fyrir krefjandi fyrstu vikur segir Rihanna foreldrahlutverkið vera dásamlegt. „Það er allt. Maður man í rauninni ekki eftir lífinu áður, það er það klikkaðasta við þetta. Það skiptir ekki máli,“ sagði hún. 

Óvænt ófrísk á myndunum

Rihanna hefur deilt nokkrum myndum úr myndatökunni með Vogue, en seinna kom í ljós að tónlistarkonan hafi verið orðin ófrísk í tökunni án þess að vita af því. Hún deildi meðal annars fallegri færslu með myndum af sér með syni sínum sem sprengir alla krúttskala. 

„Hversu brjálað að bæði börnin mín hafi verið á þessum myndum og mamma hafði ekki hugmynd,“ skrifaði Rihanna við myndina. 

Tengdar fréttir

Meðganga

Hverju á að pakka í spítalatöskuna?

• Ragga Hólm og Elma eiga von á barni
• „Eina nóttina opnast gat á brjóstinu á mér“
• „Getum ekki beðið eftir þér lengur“
• Reykjavíkurdóttir á von á öðru barni

» Fleiri tengdar fréttir

Frægar fjölskyldur

Sonur Birgittu Lífar á góðri leið að verða heimsflakkari

• Ragga Hólm og Elma eiga von á barni
• Dóttir barnastjörnu fæddist andvana
• Þurftu að tilkynna nafnið extra snemma
• Sonur Berglindar og Kristjáns kominn með nafn

» Fleiri tengdar fréttir

Frægir fjölga sér

Logi Geirs og Inga Tinna eiga von á barni

• Ragga Hólm og Elma eiga von á barni
• Frumsýndi dóttur sína á síðum People
• Gunnhildur Yrsa og Erin eiga von á barni
• „Getum ekki beðið eftir þér lengur“

» Fleiri tengdar fréttir

• Blogga um frétt