Sjónvarpskonan Meghan McCain eignaðist dóttur með eiginmanni sínum, Ben Domenech, í janúar síðastliðnum. Síðan þá segist hún margoft hafa verið hvött til að taka nýjasta „töfralyfið“ í Hollywood, lyfið Ozempic sem ætlað er sykursjúkum, til að léttast. 

Lyfið hefur ratað mikið í fjölmiðla undanfarna mánuði sem „töfralyf“ til að hjálpa fólki að grennast. Þá eru fjölmargar Hollywood-stjörnur sagðar vera á lyfinu, en umræðan hefur þó snúist við á síðustu vikum þar sem alvarlegar aukaverkanir lyfjanna hafa komið í ljós. 

Frétt af mbl.is

Segir nýjasta „töfralyfið“ í Hollywood ekki áhættulaust

Vill frekar nokkur aukakíló en lyf

Í samtali við Daily Mail segir McCain fjölmarga hafa reynt að sannfæra hana um að taka lyfið með því að segja henni að „allir séu að taka lyfið“.

„Mér var meira að segja boðið lyfið frítt á svarta markaðnum af einstaklingi sem átti auka skot heima,“ sagði McCain. 

„Leyfið mér að útskýra þetta á skýran hátt. Ég mun ekki taka það. Þetta er skýrt siðferðilegt vandamál ... ég vil frekar vera með nokkur aukakíló en að dæla í mig lyfjum,“ sagði McCain og bætir við að hún vilji setja gott fordæmi fyrir börnin sín, en hún á tvær dætur. 

„Þær munu einn daginn standa frammi fyrir sömu fegurðarstöðlum. Heimur þeirra verður einungis meira krefjandi þar sem samfélagsmiðlarnir verða stærri. Þetta er ekki heimurinn sem ég vil fyrir þær, og ekki heimurinn sem ég vil fyrir sjálfa mig,“ sagði sjónvarpskonan að lokum. 

Tengdar fréttir

Frægar fjölskyldur

Sonur Birgittu Lífar á góðri leið að verða heimsflakkari

• Ragga Hólm og Elma eiga von á barni
• Dóttir barnastjörnu fæddist andvana
• Þurftu að tilkynna nafnið extra snemma
• Sonur Berglindar og Kristjáns kominn með nafn

» Fleiri tengdar fréttir

• Blogga um frétt