Leikkonan Sarah Snook eignaðist sitt fyrsta barn á dögunum með eiginmanni sínum Dave Lawson. Snook tilkynnti um fæðingu barnsins á Instagram-síðu sinni, í færslu þar sem hún sést horfa á lokaþáttinn af hinum vinsælu Succession með nýfætt barn sitt í fanginu.
Í færslunni segist hún hafa horft á lokaþáttinn af sjónvarpsþáttunum sem breyttu lífi hennar. Nú hafi líf hennar breyst með öðrum hætti þar sem hennar nýjasta hlutverk sé móðurhlutverkið.