Þjóðargersemin Páll Óskar Hjálmtýrsson nýtur lífsins á skemmtiferðaskipinu Harmony of the Seas í Karíbahafi um þessar mundir. Skipið er næststærsta skemmtiferðaskip í heimi.

Harmony of the Seas er engin smásmíði, 362 metrar á lengd og þar eru yfir 20 veitingastaðir. Þar er líka ýmiskonar afþreyingí í boði eins og Palli sagði sjálfur frá, en hann fór meðal annars í tannhvíttun um borð. 

Hægt er að dvelja um borð í skipinu í sjö nætur í einu en skipið siglir frá Orlando í Bandaríkjunum og stoppar á Bahamaeyjum, í Mexíkó og Hondúras.

Sjö nætur á um borð kosta allt frá 87 þúsund krónum upp í 310 þúsund en verðið miðast við staðsetningu um borð. Hæsta verðið er fyrir svítu. Sjö nætur í herbergi með útsýni yfir hafið kosta til dæmis 107 þúsund.