Karlmaður á þrítugsaldri olli miklum usla þegar hann sagðist vera sýktur af kórónuveirunni sem á uppruna sinn í Wuhan-borg í Kína. Vélinni var snúið við en á daginn kom að hann var alls ekki veikur og var því handtekinn fyrir að valda óskunda.

Maðurinn var um borð í vél WestJet á leið frá Toronto í Kanada til Montego Bay á Jamaíka. „Karlmaður olli ókyrrð um borg í fluginu þar sem hann sagðist hafa farið til Kína og væri með kórónuveiruna,“ sagði talskona lögreglunnar í samtali við fréttastofu Reuters. 

Maðurinn sást taka sjálfsmyndir og tilkynna að hann væri sýktur af veirunni samkvæmt öðrum farþegum. Þrátt fyrir að flugmaðurinn væri viss um að hann væri að ljúga taldi hann samt réttast að snúa vélinni við og fara aftur to Toronto.

Starfsfólk vélarinnar lét manninn fá hanska og grímu og sagði honum að sitjast aftast í vélinni. Hann var síðar handtekinn og kærður fyrir að valda óskunda á almannafæri. 

Tengdar fréttir

Furðulegt á ferðalögum

Þakklát fyrir að vera á lífi eftir árás skógarbjarnar

• 12 hlutir sem þú ættir aldrei að gera í flugi
• Versta matarupplifunin var í fegurðarsamkeppni í Mexíkó
• Benjamin varð vitni að einstöku fyrirbæri á Svalbarða
• Bjó á flugvelli í Bologna í níu mánuði

» Fleiri tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt