Húsvíkingurinn Agnes Árnadóttir hlaut í gær Wista Norway Leadership-verðlaunin. Forsætisráðherra Noregs, Erna Solberg, afhenti henni verðlaunin. Agnes er meðstofnandi og framkvæmdarstjóri Brim Explorer sem sérhæfir sig í sjálfbærum og hljóðlausum siglingum um norður Noreg.
Í ræðu sinni ræddi forsætisráðherrann um ferð sína með Brim Explorer fyrr á þessu ári og einnig um aðlögunarhæfni fyrirtækisins að heimsfaraldrinum. Hún mærði einnig árangur Agnesar og Brim Explorer í sjálfbærum lausnum í bláa hagkerfinu.
Agnes er fædd og uppalin á Húsavík. Faðir hennar, Árni Sigurbjörnsson stofnaði ásamt Herði bróður sínum hvalaskoðunarfyrirtækið Norðursiglingu árið 1995. Norðursigling hefur verið leiðandi í umhverfisvænni ferðaþjónustu hér á Íslandi síðustu ár. Agnes starfaði lengi vel hjá Norðursiglingu þar til hún flutti til Noregs árið 2008 til að læra stjórnmálafræði.
WISTA leadership Award 2020 - Agnes Árnadóttir by Erna SolbergToday Agnes Arnadottir was awarded the Wista Norway Leadership Award by the Prime Minister of Norway Erna Solberg! In her speech the Prime Minister shares her experience from her trip with us this summer, and she commends our ability to adapt to the Covid19 situation. Further she emphasised Agnes' and Brim Explorers contribution to a more sustainable blue economy and green shipping! #sustainability #leadership #environment #brim #silentsailing
Posted by Brim Explorer on Monday, 21 September 2020