Lína og Gummi skelltu sér til Amsterdam

Guðmund­ur Birk­ir Pálma­son og Lína Birgitta Sig­urðardótt­ir er farin til …
Guðmund­ur Birk­ir Pálma­son og Lína Birgitta Sig­urðardótt­ir er farin til útlanda.

Fólk er byrjað að ferðast utan aftur eftir kórónuveirufaraldurinn. Athafnakonan og áhrifavaldurinn Lína Birgitta Sig­urðardótt­ir og kær­asti henn­ar Guðmund­ur Birk­ir Pálma­son kírópraktor fóru fullbólusett til Amsterdam í vikunni. 

Gummi „kíró“ eins og hann er kallaður greindi frá því á Instagram að þau væru fullbólusett og tilbúin í eðlilegt líf og ferðalög aftur. „Fyrsta stopp Amsterdam,“ skrifaði hann.

Parið hefur notið sín í borginni og meðal annars komið við í hönnunarbúðum en þau eru þekkt fyrir áhuga sinn á dýrum merkjavörum. Þau hafa einnig birt myndir af sér borða girnilegan mat í sólinni. 

Parið elskar að ferðast og er duglegt að greina frá því á samfélagsmiðlum. Þau hafa verið tíðir gestir á íslenskum hótelum á undanförnum misserum. Þau fóru reyndar líka til útlanda síðasta sumar þegar flestir héldu sig til heima. 

mbl.is