Demi Moore nýtur lífsins í París eftir að hafa verið viðstödd tískuvikuna þar í borg. Hún hefur verið dugleg að fara á listasöfn.
Það er alltaf stutt í glensið hjá hinni 58 ára leikkonu því í einni heimsókninni stillti hún sér upp við hliðina á listaverki sem var eitt risastórt typpi gert úr steini. Við myndina skrifar hún: „Að dást að listinni.“
Á myndinni klæðist hún forláta Fendi-kjól og sinnepsgulum stígvélum. Moore er góður vinur tískuhússins Fendi og tók þátt í tískusýningu merkisins fyrr á árinu. Það voru þó ekki fötin sem vöktu hvað mesta athygli heldur nýtt útlit leikkonunnar en hún þótti óvenju kinnfiskasogin á að líta.