Demi Moore sýnir breytt andlit

Demi Moore þótti óvenju kinnfiskasogin á tískusýningu Fendi.
Demi Moore þótti óvenju kinnfiskasogin á tískusýningu Fendi. AFP

Demi Moore vakti mikla athygli á tískusýningu Fendi á dögunum. Andlit hennar þótti talsvert breytt og hún óvenju kinnfiskasogin á að líta. Telja margir að hún hafi farið í fegrunaraðgerðir til þess að ná fram þessu nýja útliti. Aðrir hafa kennt förðunarfræðingnum hennar um. 

Skemmst er að minnast þess að Moore neitaði harðlega að hafa gengist undir rándýrar lýtaaðgerðir fyrir myndina Charlie's Angels.

Moore sem er 58 ára hefur almennt þótt bera aldurinn vel en sitt sýnist hverjum um hennar nýjasta útspil. Margir á samfélagsmiðlum segja hana óþekkjanlega.

„Þetta líkist henni ekki neitt. Ef þetta er Demi Moore þá er lýtalæknirinn sem gerði henni þetta algjör skottulæknir,“ sagði virkur í athugasemdum.

Bæði þóttu kinnarnar og varir Moore óvenjulegar í laginu.
Bæði þóttu kinnarnar og varir Moore óvenjulegar í laginu. AFP
Demi Moore sem er 58 ára hefur alltaf þótt ungleg …
Demi Moore sem er 58 ára hefur alltaf þótt ungleg og henni virðist mikið í mun að viðhalda æskuljómanum. AFP
Demi Moore var sögð stjarna tískusýningar Fendi á dögunum. Andlit …
Demi Moore var sögð stjarna tískusýningar Fendi á dögunum. Andlit hennar vakti þó meiri athygli en fötin. AFP
Demi Moore þótti svipsterk á tískusýningu Fendi.
Demi Moore þótti svipsterk á tískusýningu Fendi. AFP
Hér má sjá betur skarpa andlitsdrætti Demi Moore. Óljóst er …
Hér má sjá betur skarpa andlitsdrætti Demi Moore. Óljóst er hvort hún hafi gengist undir hnífinn eða hvort um förðun sé að ræða. AFP
Kim Jones hönnuður Fendi á heiðurinn af þessari sýningu sem …
Kim Jones hönnuður Fendi á heiðurinn af þessari sýningu sem fram fór á tískuviku Parísar. AFP
mbl.is