Búist er við því að bílastæðin við Keflavíkurflugvöll muni fyllast í kringum páska, líkt og gerðist fyrir heimsfaraldurinn. Farþegar á leið til útlanda yfir páska eru hvattir til að bóka bílastæði fyrir brottför.
Þetta kemur fram í fréttatilkynningu frá Isavia sem send var út í dag.
Með því að bóka bílastæði fyrir brottför tryggja farþegar sér ekki aðeins öruggt stæði heldur fá þeir einnig hagstæðari kjör á stæðinu en ef greitt væri við hliðið.
Farþegum er einnig bent á önnur úrræði sem í boði eru, svo sem ferðir með rútum, strætó og bílastæðaþjónustu.