Söngkonan Rihanna eignaðist sitt annað barn hinn 3. ágúst síðastliðinn, með kærasta sínum og rapparanum A$AP Rocky.
Rihanna tilkynnti um stækkun fjölskyldunnar í febrúar þegar söngkonan frumsýndi óléttubumbuna í hálfleik Ofurskálar NFL-deildarinnar í Bandaríkjunum.
Samkvæmt heimildum TMZ, sem greindi fyrst frá, þá eignaðist tónlistarparið dreng hinn 3. ágúst síðastliðinn í Los Angeles. Drengurinn hlaut nafn sem byrjar á stafnum R eins og eldri bróðir hans, RZA, sem fæddist parinu í maí á síðasta ári.