Twilight-leikarinn Robert Pattinson og kærasta hans, leikkonan Suki Waterhouse, hafa eignast sitt fyrsta barn.
Parið, sem kýs að halda sig frá sviðsljósinu, staðfesti komu barnsins þegar það sást á röltinu í Los Angeles með barnavagn. Hvorugt þeirra hefur tjáð sig um fæðinguna né frumburðinn á samfélagsmiðlum.
Pattinson og Waterhouse tilkynntu ekki formlega um óléttuna en leikkonan sást með vaxandi óléttukúlu í byrjun nóvember á síðasta ári.
Parið hefur verið saman frá árinu 2018.