Hafið fékk átta Edduverðlaun

Baltasar Kormákur tekur við Eddunni fyrir bestu kvikmynd ársins. Alls ...
Baltasar Kormákur tekur við Eddunni fyrir bestu kvikmynd ársins. Alls fékk Hafið átta Edduverðlaun. mbl.is/Jim Smart
Kvikmyndin Hafið hreppti átta Edduverðlaun á uppskeruhátíð Íslensku kvikmynda- og sjónvarpsakademíunnar í kvöld og vann í öllum þeim flokkum sem tengdust leiknum kvikmyndum nema einum. Hafið var m.a. valin besta myndin og framlag Íslendinga til Óskarsverðlauna, Baltasar Kormákur var valinn besti leikstjórinn, Elva Ósk Ólafsdóttir var valin besta leikkonan í aðalhlutverki, Gunnar Eyjólfsson besti karlleikarinn í aðalhlutverki, Herdís Þorvaldsdóttir var valin besta leikkonan í aukahlutverki og Sigurður Skúlason besti karlleikarinn í aukahlutverki.

Dorrit Moussaieff og Arnar Jónsson afhentu verðlaun fyrir kvikmynd ársins. Baltasar Kormákur sagði, þegar hann tók við verðlaununum að hann tileinkaði verðlaunin Þjóðleikhúsinu því án leikhússins væri kvikmyndagerðin fátækari. Hann sagðist hafa haft af því ómælda ánægju að sjá hvern stórleikarann á fætur öðrum, sem starfað hefðu í leikhúsinu, taka við Edduverðlaunum.

Gunnar Eyjólfsson var staddur í Bled í Slóveníu með íslenska skáklandsliðinu og tók við verðlaununum gegnum farsíma Baltasars Kormáks.

Áramótaskaup Sjónvarpsins var valið besta leikna sjónvarpsverkið, Í skóm drekans var valin besta heimildarmyndin, Af fingrum fram var valinn besti sjónvarpsþátturinn, Sverrir Sverrisson var valinn besti sjónvarpsmaðurinn í kosningum á mbl.is, Árni Snævarr besti sjónvarpsfréttamaðurinn. Þá afhenti Tómas Ingi Olrich menntamálaráðherra Magnúsi Magnússyni sjónvarpsmanni heiðursverðlaun Íslensku kvikmynda- og sjónvarpsakademíunnar.

Á áttunda hundrað manns hafði atkvæðisrétt í ÍKSA og vógu 70% í kosningunni en kjör almennings á mbl.is vó 30%.

Verðlaunahafarnir voru eftirtaldir:

  • Bíómynd ársins
    Hafið
    Leikstjóri: Baltasar Kormákur.
    Handrit: Baltasar Kormákur og Ólafur Haukur Símonarson. Framleiðandi: Sögn ehf./Blueeyes Productions.
  • Leikstjóri ársins
    Baltasar Kormákur fyrir Hafið.
  • Leikkona ársins í aðalhlutverki
    Elva Ósk Ólafsdóttir í Hafinu.
  • Karlleikari ársins í aðalhlutverki
    Gunnar Eyjólfsson í Hafinu.
  • Leikkona ársins í aukahlutverki
    Herdís Þorvaldsdóttir í Hafinu.
  • Karlleikari ársins í aukahlutverki
    Sigurður Skúlason í Hafinu og Gemsum.
  • Handrit ársins
    Baltasar Kormákur og Ólafur Haukur Símonarson fyrir Hafið
  • Sjónvarpsþáttur ársins
    Af fingrum fram
    Umsjón: Jón Ólafsson. Dagskrárgerð: Jón Egill Bergþórsson og Jón Ólafsson. Framleiðandi: Sjónvarpið.
  • Útlit myndar
    Gunnar Karlsson fyrir listræna stjórnun á Litlu lirfunni ljótu.
  • Fagverðlaun ársins - hljóð og mynd
    Valdís Óskarsdóttir fyrir klippingu á Hafinu.
  • Leikið sjónvarpsverk ársins
    Áramótaskaup RÚV 2001
    Framleiðandi: Sjónvarpið. Handrit: Hallgrímur Helgason, Hjálmar Hjálmarsson og Óskar Jónasson.Leikstjóri: Óskar Jónasson.
  • Heimildarmynd ársins
    Í skóm drekans
    Stjórnandi: Árni og Hrönn Sveinsbörn. Handrit: Árni og Hrönn Sveinsbörn. Framleiðandi: Tuttugu geitur, Böðvar Bjarki Pétursson.
  • Stuttmynd ársins
    Litla lirfan ljóta
    Leikstjóri: Gunnar Karlsson. Handrit: Friðrik Erlingsson. Framleiðandi: CAOZ hf.
  • Tónlistarmyndband ársins
    Á nýjum stað (Sálin hans Jóns míns)
    Leikstjórar: Samúel Bjarki Pétursson og Gunnar Páll Ólafsson. Framleiðandi: Hugsjón kvikmyndagerð.
  • Fréttamaður ársins
    Árni Snævarr Stöð 2.
  • Sjónvarpsmaður ársins
    Sverrir Sverrisson á Popp Tíví
  • Heiðursverðlaun ÍKSA
    Magnús Magnússon

Gunnar Eyjólfsson í Hafinu.
Gunnar Eyjólfsson í Hafinu.
Elva Ósk Óskarsdóttir í Hafinu.
Elva Ósk Óskarsdóttir í Hafinu.
Herdís Þorvaldsdóttir í Hafinu.
Herdís Þorvaldsdóttir í Hafinu.
Sigurður Skúlason í Hafinu.
Sigurður Skúlason í Hafinu.
Þátturinn Af fingrum fram, sem Jón Ólafsson stjórnar, var valinn ...
Þátturinn Af fingrum fram, sem Jón Ólafsson stjórnar, var valinn sjónvarpsþáttur ársins.
Sverrir Sverrisson á Popp Tíví, sem m.a. gekk hringinn í ...
Sverrir Sverrisson á Popp Tíví, sem m.a. gekk hringinn í kringum landið í sumar, var valinn sjónvarpsmaður ársins.
Elva Ósk Ólafsdóttir með Edduna sem hún hlaut fyrir leik ...
Elva Ósk Ólafsdóttir með Edduna sem hún hlaut fyrir leik sinn í Hafinu. mbl.is/Jim Smart
Magnús Magnússon fékk heiðursverðlaun ÍKSA.
Magnús Magnússon fékk heiðursverðlaun ÍKSA. mbl.is/Jim Smart
Herdís Þorvaldsdóttir fékk Eddu fyrir bestan leik í aukahlutverki.
Herdís Þorvaldsdóttir fékk Eddu fyrir bestan leik í aukahlutverki. mbl.is/Jim Smart
Systkinin Árni og Hrönn Sveinsbörn taka við Eddunni fyrir bestu ...
Systkinin Árni og Hrönn Sveinsbörn taka við Eddunni fyrir bestu heimildarmyndina. mbl.is/Jim Smart
mbl.is