Klósett Lúters fundið

Fornleifafræðingar í Þýskalandi segja að þeir hafi hugsanlega fundið salernið sem Marteinn Lúter var inni á þegar hann hóf siðbót kristinnar kirkju á 16. öld, að því er BBC greinir frá. Um er að ræða steinlagt herbergi en það fannst í viðbyggingu við hús Lúters í Wittenberg, sem nýlega var grafin upp.

Haft var eftir Lúter að hann hefði verið „á salerninu“ þegar þeirri hugmynd laust niður í hann að sáluhjálp byggðist á trúrækni, ekki því að vinna góðverk.

Lúter þjáðist af hægðatregðu og eyddi mörgum stundum í þungum þönkum á salerninu. Það var byggt á árunum 1516-1517, að sögn Martin Treu, guðfræðings sem sérhæfir sig í Lúter og hefur aðsetur í Wittenberg.

„Það sem við fundum hér er mjög sérstakt,“ sagði hann í samtali við BBC, og bætti við að flestar byggingar sem varðveittar hefðu verið frá þessum tíma hefðu gegnt veigameira hlutverki.

Klósettið er í skoti herbergis, sem fannst við uppgröft garðs við hús Lúters.

Treu segir lítinn vafa leika á því að Lúter hafi notað klósettið.

Siðaskiptin, sem leiddu til stofnunar mótmælendakirkna í Evrópu, eru venjulega sögð hafa hafist í október árið 1517.

Lúter var ófeiminn að tjá sig um hægðatregðu sína. Þrátt fyrir að nokkuð liggi fyrir af upplýsingum um hana eru nokkrar staðreyndir enn á huldu - til að mynda hvað hann hafi notað í stað salernispappírs. „Við vitum ekki enn hvað fólk notaði í þá daga. Pappír var of dýr á þessum tíma og í raun alls ekki nógu mjúkur,“ bætti hann við.

mbl.is
Fleira áhugavert

Stjörnuspá »

Hrútur

Sign icon Forvitnin heltekur þig hreinlega í dag. Reyndu að fá sem bestar upplýsingar, en forðastu að hlusta á kjaftasögur.
síðasta vika Vinsælustu hljóðbækurnar
1
Sigríður Dúa Goldsworthy
2
Patricia Gibney
4
Þóra Karítas Árnadóttir og Sahara Rós Blandon
5
Lucinda Riley
Fleira áhugavert

Stjörnuspá »

Hrútur

Sign icon Forvitnin heltekur þig hreinlega í dag. Reyndu að fá sem bestar upplýsingar, en forðastu að hlusta á kjaftasögur.
síðasta vika Vinsælustu hljóðbækurnar
1
Sigríður Dúa Goldsworthy
2
Patricia Gibney
4
Þóra Karítas Árnadóttir og Sahara Rós Blandon
5
Lucinda Riley