Bretar valda ár hvert skemmdum upp á 350 miljónir punda, um 38 milljarða króna, á meðan á kynmökum stendur. Undirfata- og kynlífshjálpartækjaverslunin Ann Summers, sem rekur fjölda verslana í Bretlandi, stóð að könnun á því hversu tíð meiðsli og skemmdir á eignum væru af völdum kröftugra kynmaka. 2.000 manns voru spurð og kom í ljós að eitt af hverjum tíu pörum eða hjónum reyndi að fá bætur frá tryggingarfélagi vegna brotinna lampa, vasa, rúma eða rifinna gluggatjalda.
41% hafði fengið sviðasár af teppum og þriðjungur aðspurðra hafði tognað í baki og 12% snúið ökkla eða úlnlið. Pör eða hjón í suðaustri Englands virðast helst slasa sig við samfarir en íbúar Yorkshire-héraðs eru duglegastir í því að sækja bætur til tryggingafélaga.
Forstjóri Ann Summers, Jacqueline Gold, telur það frábærar fréttir að fólk sé ævintýragjarnt í kynlífinu en það verði að fara varlega. Algengustu meiðslin eru þessi (nr. 1 algengust):
1. Sviðasár vegna teppanudds
2. Tognun í baki
3. Úlnliðstognun
4. Ökklatognun
5. Marinn afturendi
6. Marinn fótleggur
7. Skrámaðir olnbogar
8. Klórað bak
9. Kúla á höfði
10. Beinbrot
Dagblaðið The Sun greinir frá þessu á vef sínum.